يوم فحياتى

صباح الخير

بعض الناس هوايتهم كتابة مذكرات يومية .. ممكن تنفس عن أنفسهم .. او تكون ذكرى حلوة .. يقرونها في يوم من الأيام ..
مع اني أحب الذكريات .. لكن ماذكر في يوم من الأيام مسكت القلم وكتبت شي يذكر .. ولأن يوم 29 شعبان هو يوم ولادتي ..تذكرت أيام ما أنساها في حياتي .. وقلت لازم أكتبها .. واطلق لها العنان <<تكفين متعوب عليها .. كل يوم له مسمى بذاكرتي ..وراح اكتب كل يوم باسمه وبعده القصة

ذيل الحصان
ذيل الحصان هذي عيارة .. يعايروني فيها عمومتي .. اللي يناديني فيها .. واللي يناديني ذيلين .. وطبعا للاسم هذا مناسبة .. مرة عمتي قالت لي ..تدرين ليه عمانك ينادونك كذا ؟ .. قلت لا والله ليه؟ .. قالت وانتِ صغيرة .. سويتيها على نفسك .. وعمك فهد مر من عندك .. ويعني يعني بتلهينه .. قلتي: عمي فهد وش رأيك بذيل الحصان(شعري)؟

طُلّي
في أول يوم من أيام المدرسة .. وطبعاً لأن أهلي مادخلوني لا تمهيدي ولا روضة .. على طول ..على الابتدائي .. كان ذاك اليوم هو أول يوم أحتك فيه مع بنات الغربية .. كنت أحسهم يرطنون لي.. وأنا أرطن لهم.. ماني فاهمة عليهم ولاهم فاهمين علي.. وأول بنت تعرفت عليها .. اسمها ريم .. دبدوبة ماشاء الله..وخدودها حمرا .. المهم حطوا لنا كومة ألعاب في الحوش .. وريم فرحانة وتأشر وتقول لي **طلّي .. طلّي ..بيني وبينكم انا على بالي طلي(يعني خروف) .. قعدت اضحك عليها .. وشكلي جرحت مشاعرها وصارت تبكي .. جتنا ابلة منيرة قالت وش فيك قالت لها كذا وكذا .. جت يمي وقرصتني قرصة مع اذني ما أنساها طول عمري
طُلّي: كلمة حجازية معناها طالعي..شوفي..او ناظري**

شكرا لأمي وأبي
في خامس ابتدائي .. كنت اشارك في الاذاعة .. ودايم اذا صارت حفلات كانوا يعطوني قصايد القيها .. مرة من المرات عطتني الابلة قصيدة بعنوان شكرا لأمي وأبي قبل مجلس الأمهات .. وقالت هذي المرة لازم تتلحن .. قلت لها وشلون اجيب لحن.. قالت قولي لامك وابوك يساعدونك<<خوش اوامر .. المهم في البيت ..لحنتها و رحت لها في الصباح اسمعها الالبوم واسوي بروفات .. عجبها .. وغنيتها بمجلس الامهات<<تلحين وغناء يعني بتاع كله .. وكانوا بعض الامهات يبكون متأثرين ..وفي اليوم الثاني جاني طلب من المديرة اعيدها في اذاعة الصباح ..صار لي جمهور



1-02-2002, 07:34 PM قصيدتي في
في ذيك السنة كنت في المتوسط..ادخل المنتديات مع اخواتي ..وفي يوم من الايام اختي نقلت قصيدة .. كانت القصيدة هجاء .. المهم واحد من المستشعرين في المنتدى اخذها بشكل شخصي ورد عليها بقصيدة .. عندها جاني شعور الفزعة .. وقلت باكتب قصيدة خخخخخ .. وقتها كانوا خواتي رايحين السوبرماركت .. نص ساعة ورجعوا الا القصيدة جاهزة هع..الشعراء ينقحون قصيدتهم سنة .. وانا قصيدتي ماصار لها نص ساعة..المهم تحمسسسسسوا وقالوا يالله نزليها ..نزلتها وعلى القصيدة 22 رد..اللي يقول ياسلام عليك قصيدة رائعة .. واللي يقول تشبه قصيدة عابرة سبيل الله يرحمها ..وبيني وبينكم انا وقتها ماعرف منهي عابرة سبيل اصلا .. مدحوا فيني.. مير المنتدى ترللي .. ومادري وشلون حطوني مشرفة كمان.. هم بس لو يدرون عن عمري وقتها بتصيبهم خيبة امل
القصيدة للآن موجودة .. واخواتي كل ماصار فيهم ضحك .. فتحوا المنتدى وقروها


صفارة الإنذار
في صيف 2002.. سافرنا لمدينة الضباب لندن..نزلنا في احد فنادق هيلتون (هيلتون متروبول)..
المهم في ثاني او ثالث ليلة الساعة 3 الفجر.. والكل نايم..ترن صفارة الانذار ..ومن زود الفجعة وحنا في دور فوق 15 وطبعا مكاني في النوم اخر الغرفة لقيتني اول من طلع للسيب ببجامتي وكشتي(اللي اختشوا ماتوا) ووراي اخوي.. واختي جرت الشرشف من جدتي تبي تلحقنا..طلعنا للسيب وفيه ناس برا..
وفي ذاك الوقت بان من اللي جالس بغرفة ووفيها اكثر من شخصين..واولهم حنا خخخخخ..عاد الغرفة اللي قدامنا فيها مصري قال لاخوي ماله وشك مصفر كده .. متخفش..وقال انه في الغالب الصفارة ترن كذا ..حسيت كن الصفارة تقول لنا صادوووه.. بعدها غيرنا الفندق لهيلتون لندن صحيح انه راقي وهادي واغلى من اللي قبله وفيه شخصيات معروفة ماهو مثل ذاك حركة ووناسة..لكن اهمممممم شي فيه صفارة الانذار ماتهبّل فينا


أحياء - حيوان
أول سنة في الجامعة..في التيرم الثاني .. كانت درجتي في اختبار أحياء - حيوان 5من10 ..بعد حن وزن مع الدكتورة العربية.. وافقت على اعادة الاختبار .. بشرط تاخذ الدرجة الثانية .. سلمت امري لله وقلت باعيد الاختبار.. وجاني سؤال اصعب من اللي قبله .. طلعت حركات النذالةوالعرق الـ؟؟؟؟؟؟ ..المشكلة ..مختبرة في يومي الاوف<<حتى في الموعد استنذلت .. يعني ضاعت اجازتي ووقتي في المذاكرة..ونهايتها درجة اشين من اللي قبلها .. قلت لا والله تعبي مايروح هباء منثور .. ولأني ماحب الغش وضميري يأنبني..ولأني حسيت ان الدكتورة مفهيه شوي
قلت من له حيلة فليحتال.. اعدل سؤال الاختبار .. واجزاء السؤال اللي ماعرف جوابها بأحذفها..واضيف من عندي( مع الرسم) <<احلى شيء البهارات ..بكذا اضمن درجة أحلى من الأولى .. المهم راح على الاختبار اسبوعين ..جيت أسألها عن الدرجة لقيتها 9 من 10 ..استغفر الله ماعرف وش التسطيل اللي جاني وقتها وغيرت السؤال بكل جرأة